Монгол Улсад технологи ашиглан үйлдэгдэж буй гэмт хэрэг, зөрчил цаашид нэмэгдэх хандлагатай байх тул цахим технологийн тусламжтайгаар үйлдэгдэж буй энэ төрлийн хүчирхийллээс урьдчилан сэргийлэх, таслан зогсоох, ЕБС-ийн сурагчдад таниулах, тэднийг хамгаалах зорилгоор сумын ГХУСАЗСЗ-өөс Хүний эрхийн Үндэсний Комиссын Дархан-Уул аймаг дахь референт, аймгийн Прокурорын газартай хамтран сургалт зохион байгууллаа.
Тус сургалтад Хүний эрхийн Үндэсний Комиссын Дархан-Уул аймаг дахь референт Э.Болортуяа “Технологи ашиглан үйлдэгдэж буй Жендэрт суурилсан хүчирхийлэл”, аймгийн Прокурорын газрын хяналтын прокурор Б.Энхтулга “Хүүхэд хамгаалал ба хүүхдийн эрх” сэдвүүдээр 14 дүгээр сургуулийн 8-11 дүгээр ангийн сурагчдад тус тус мэдээлэл хийлээ.
